 |
| منظوربسمل | فوٹو : ریگزار |
مھرنگ
منظوربسمل
مھرنگ منی ماھیں گُھار
مھرنگ منی ماھیں گھارانی بدل
بچانی فکر ، براتانی گم ، آریپیں پِسانی تما
اے ھون ءُ جون ، بندیگیں سر، دُرّیں شہید
مھرنگ تی چمانی ارس
ہوناپ چہریان اَنگر اَنت
سوراپ زھریں انگر اَنت
مھرنگ تی اُپار ءُ آہ
کوھیں دلاں آپ کننت
ترکنت سر تلیں جگر
داں چُنت ءُ چون ءَ ما سُچیں
چاریت جہان
داں چُنت ءُ چونءَ اے ندارگ مان کیت
پہ ما مُرادے رُستگین ارسانی ہار ءَ گون بیں
تاں زُلم ءُ زور ءِ پرشتگیں تاگت بہ روت
تاں بے نسیبیں ساھتانی دل بہ جنت
تاں زندگی واتر بہ کنت
توسنت اے آس ءَ کورہیں چمانی ارس
کور اَنت بَلے زوراک ءِ چم
گُنگ اِنت زبان ءُ گوش کَرّ
الم رسیت روچے ترا
زیمیں دلءِ اُفارگ ءُ آہانی مُز
گُٹگ چہ بُن بندءَ سدنت
سگگ نہ بنت اے گرانیں ساھت
کہ تی ارس گُلگل اَنت
زِردانء تاہیرءَ پُل اَنت
کے دیست کمت اے زیمی ئیں پاساں
کہ تو نال ئے گوں ٹپیگیں دلءَ
سد دِل دگہ ٹپیگ کنئے
مان اتکگیان زور اور ءِ کردانی آدینک ءَ جنئے سِنگے
ہزار دِل ڈاہ دئیے
آس کہ نہ چاریت تَرّ ءُ ھُشک
آس کپتگیں ہلک ءُ دیار گیمرتگ اَنت
آس گپتگیں جنگل سُچان ءَ رپتگ انت
آس ءِ ہود اِنت سُتک ءُ سوچ
چو آس مُزیں دار ما دائم بُناس
ماد وزہیگ
ما انگرانی دیمپان
اے آس ءُ انگر تاں کدی برجاہ بنت
***
Post a Comment