 |
| مبارک قاضی | فوٹو : ریگزار |
دستونک
مبارک قاضی
هما کہ آهاں گوں زر ءُ مال ءَ وپا نہ کرتگ هما شهید اَنت
هما کہ آهاں گوں سر زمین ءَ دگہ نہ کرتگ هما شهید اَنت
هما کہ پہ راج ءِ آجوئی ءِ پڑ ءَ دراتکنت پہ جوش ءُ جزبگ
هما کہ آهاں اے ڈیه ءِ ازّت بها نہ کرتگ هما شهید اَنت
هما کہ آهان ءَ هچ متاه ءِ گرز نہ بوتگ چہ زند ءُ مرگ ءَ
هما کہ کسی ملام آهاں سرا نہ کرتگ هام شهید اَنت
هما کہ آهاں مدام امروز ءَ برز مڈّاتگ جهد ءِ بیرک
هما کہ آهاں کسی اوں رو ءُ ریا نہ کرتگ هما شهید اَنت
هما کہ آهاں یزید ءِ لشکر گوں سبر ءُ اوپار پروش داتگ
هما کہ آهاں بداں گوں هچبر سلا نہ کرتگ هما شهید اَنت
بجزم قاضی مئے شهیدانی هون یک روچے رنگ کاریت
هما کہ آهاں زمانگ ءِ گپ دل ءَ نہ کرتگ هما شهید اَنت
٭٭٭
Post a Comment