مجید عاجز | فوٹو : ریگزار
دستونک
مجید عاجز
زندگی ھردیں کہ پہ تو تنگ بیت
شپ چراگے ، ماہ بیت ، مھرنگ بیت
ایمنی ءَ نندگا نئیل ئے ، تہ مئیل
جنگ جنگے،جنگ بیت،تہ جنگ بیت
ما نہ گشتہ ما نہ لوٹوں آجوی
ما نہ گشتہ توپک ءِ نل زنگ بیت
بِلّے مَلّیت ھون آپ ءِ شھجو آں
بِل تُری واد ءُ شکر ھمسنگ بیت
تو گروناک ئے گوں بمباں ایمٹی
اسپریں راسکو بلوچ ءِ ونگ بیت
داں کدی مارا تو آدْرہ کت کنئے
زمران تنگ اِنت کدی داں تنگ بیت
چے اِنت چمّ کُٹّانی بستار ءُ بسات
اے لگوراں نام بیت ناں ننگ بیت
ٹپّی ءُ ٹوری اِنت داں کہ گُلزمین
چونیا سُرنا ءُ چاپ ءُ چنگ بیت
کسّے چو عاجز بہ بیتّیں بے وتن
چہ کجا ایمن پہ کئیف ءُ بنگ بیت
٭٭٭
Post a Comment